കൊച്ചി: കൊച്ചിയില്‍ പട്ടാപ്പകല്‍ പെണ്‍കുട്ടിക്ക് നേരെ വധശ്രമം. കലൂര്‍ ആസാദ് റോഡില്‍ രാവിലെ 11 മണിയോടെയാണ് സംഭവം. ഇതര സംസ്ഥാനക്കാരായ പെണ്‍കുട്ടികളെയാണ് യുവാവ് അക്രമിച്ചത്. വാക്കത്തി കൊണ്ടുള്ള വെട്ടില്‍ പെണ്‍കുട്ടികളില്‍ ഒരാളുടെ കൈക്ക് ഗുരുതര പരിക്കേറ്റു.
ഇരു സംഘങ്ങളും തമ്മിലുള്ള ഏറ്റുമുട്ടലിനിടെയാണ് യുവാവ് വെട്ടി പരിക്കേല്‍പ്പിച്ചത്. യുവാവ് വാക്കത്തിയെടുത്ത് ഒരു പെണ്‍കുട്ടിയുടെ കഴുത്തിന് വെട്ടിയത് മറ്റേ പെണ്‍കുട്ടി കൈകൊണ്ട് തടയുകയായിരുന്നു. ഭാഗ്യത്തിനാണ് കുട്ടിയുടെ കഴുത്തിന് വെട്ടേല്‍ക്കാതിരുന്നത്. പരിക്കേറ്റ പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു. പ്രതി ആക്രമണത്തിനു ശേഷം ബൈക്കില്‍ കയറി രക്ഷപ്പെട്ടതായി ദൃക്‌സാക്ഷികള്‍ പറഞ്ഞു.