യൂത്ത്‌കോണ്‍ഗ്രസ് നേതാവും കെ.പി.സി.സി ഐ.ടി സെല്‍ മേധാവിയുമായ അനില്‍ കെ. ആന്റണി കോണ്‍ഗ്രസിലെ പദവികള്‍ രാജിവെച്ചു.
കോണ്‍ഗ്രസ് പ്രവര്‍ത്തകസമിതിയംഗവും മുന്‍കേരള മുഖ്യമന്ത്രിയുമായ എ.കെ ആന്റണിയുടെ പുത്രനാണ്.കുറച്ചുകാലമായി കോണ്‍ഗ്രസ് വൃത്തങ്ങളില്‍ സജീവമായിരുന്നില്ല. രാഹുല്‍ഗാന്ധിയുടെ ഭാരത് ജോഡോയാത്രയില്‍പങ്കെടുത്തില്ലെന്ന് മാത്രമല്ല. യാത്രയെക്കുറിച്ച് പരാമര്‍ശിച്ച് ഒരു പോസ്റ്റ് പോലും ഇടാതിരുന്നത് വിവാദമായിരുന്നു.
ഇന്നലെ മോദിക്കെതിരായ ബിബിസി ഡോക്യുമെന്ററി ഇന്ത്യയുടെ പരമാധികാരത്തിനെതിരാണെന്നും ബിബിസി ഇന്ത്യക്കെതിരായി മുന്‍വിധിയോടെ വാര്‍ത്തകള്‍ ചെയ്യാറുള്ളതാണെന്നും അനില്‍ ആന്റണി ട്വീറ്റ് ചെയ്തിരുന്നു. ഇതേതുടര്‍ന്ന് വലിയ തോതില്‍ പാര്‍ട്ടിക്കകത്ത് വിമര്‍ശനമുയര്‍ന്നിരുന്നു. അനിലിനെ പുറത്താക്കണമെന്ന് റിജില്‍മാക്കുറ്റിയുള്‍പ്പെടെയുള്ള യൂത്ത് കോണ്‍ഗ്രസ് നേതാക്കള്‍പ്രസ്താവ ഇറക്കുകയും ചെയ്തു. നടപടിയുണ്ടാകാനിരിക്കെയാണ് പൊടുന്നനെയുള്ള രാജി.