റിയാദ്: പ്രവാചക നഗരിയില്‍ വിശുദ്ധ ഹറമിന്റെ മുറ്റത്ത് സന്ദര്‍ശകയായെത്തിയ യുവതിക്ക് സുഖപ്രസവം. ഹറമില്‍ സന്ദര്‍ശനത്തിനെത്തിയ യുവതിക്ക് മസ്ജിദുന്നബവിക്ക് പുറത്ത് വെച്ച് പ്രസവ വേദന അനുഭവപ്പെടുകയായിരുന്നു.
ഉടനെ കുതിച്ചെത്തിയ മദീനയിലെ സഊദി റെഡ് ക്രസന്റ് സൊസൈറ്റി സംഘം ആവശ്യമായ പരിചരണം നല്‍കി. വിശുദ്ധ ഹറമിന്റെ മുറ്റത്ത് വെച്ച് തന്നെ യുവതിക്ക് പ്രസവിക്കാനുള്ള സൗകര്യമൊരുക്കി. പെണ്‍കുഞ്ഞിന് ജന്മം നല്‍കിയ യുവതിയെയും കുഞ്ഞിനേയും പിന്നീട് ബാബ് ജിബ്രീല്‍ ഹെല്‍ത്ത് സെന്ററിലേക്ക് മാറ്റിയതായി റെഡ് ക്രസന്റ് ഡയറക്ടര്‍ ജനറല്‍ അഹമ്മദ് അല്‍ സഹ്റാനി പറഞ്ഞു. മാതാവും കുഞ്ഞും സുഖമായിരിക്കുന്നതായി അദ്ദേഹം അറിയിച്ചു.