ദുബായ്: ഈ വര്‍ഷം ആദ്യ പകുതിയില്‍ ദുബായ് എയര്‍പോര്‍ട്ടിലൂടെ യാത്ര ചെയ്തത് 42 മില്യന്‍ യാത്രക്കാര്‍. ഭാവിയില്‍ വിമാനത്താവളം പൂര്‍ണമായും ബയോമെട്രിക് ആക്കാനുള്ള ശ്രമത്തിലാണെന്ന് ഉദ്യോഗസ്ഥര്‍ കൂട്ടിച്ചേര്‍ത്തു. ഈ വര്‍ഷം ഇതു വരെ 42 ശതമാനം യാത്രക്കാരും സ്മാര്‍ട്ട് ഗേറ്റുകള്‍ ഉപയോഗിച്ചിട്ടുണ്ട്. ഭാവിയില്‍ സ്മാര്‍ട്ട് ഗേറ്റുകളുടെ എണ്ണം വര്‍ധിപ്പിക്കും. സ്മാര്‍ട്ട് കൗണ്ടറുകളുള്ള ദുബായ് വിമാനത്താവളങ്ങള്‍ ലോകത്തിലെ ഏറ്റവും എളുപ്പവും സുഗമവുമായ വിമാനത്താവളമാവണമെന്ന് തങ്ങള്‍ ആഗ്രഹിക്കുന്നുവെന്ന് ഉദ്യോഗസ്ഥര്‍ അറിയിച്ചു.