കേരളം ഉറ്റുനോക്കിയ തൃക്കാക്കര ഉപതിരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥി ഉമാ തോമസിന് മിന്നും ജയം.25,015 വോട്ടിന്റെ റെക്കോര്‍ഡ് ഭൂരിപക്ഷമാണ് നേടിയത്.
മണ്ഡലത്തില്‍ ഇതുവരെയുള്ള ഏറ്റവും കൂടിയ ഭൂരിപക്ഷമാണിത്. വോട്ടെണ്ണലിന്റെ ഒരു ഘട്ടത്തില്‍ പോലും ഇടത് സ്ഥാനാര്‍ഥി ജോ ജോസഫിന് മുന്നിലെത്താന്‍ സാധിച്ചില്ല. 12 റൗണ്ടുകള്‍ ആയി നടന്ന വോട്ടെണ്ണലില്‍ ഓരോ റൗണ്ട് എണ്ണുബോഴും ഉമാ തോമസിന്റെ ഭൂരിപക്ഷം വര്‍ദ്ധിച്ചുകൊണ്ടിരുന്നു. നൂറു തികയ്ക്കാന്‍ എന്ന മോഹം പോയിട്ട് ഒരു മത്സരം കാഴ്ചവെക്കാന്‍ പോലും ഇടതു സ്ഥാനാര്‍ത്ഥിക്ക് സാധിച്ചില്ല. ഇടതു കേന്ദ്രങ്ങളെ ഞെട്ടിച്ചു കൊണ്ടുള്ള വിധിയാണ് തൃക്കാക്കരയില്‍ ഉണ്ടായിട്ടുള്ളത്.
പന്ത്രണ്ടാം റൗണ്ട് പൂര്‍ത്തിയായപ്പോള്‍ വോട്ടുനില
ഉമാ തോമസ് 72767
ജോ ജോസഫ് 47752
എ എന്‍ രാധാകൃഷ്ണന്‍ 12955
അനില്‍ നായര്‍ 100
ജോമോന്‍ ജോസഫ് 384
സി പി ദിലീപ് നായര്‍ 36
ബോസ്‌കോ കളമശേരി 136
മന്മഥന്‍ 101
നോട്ട 1111