കണ്ണൂരില്‍ നിര്‍ത്തിയിട്ട ലോറിയില്‍ കാറിടിച്ച് രണ്ട് പേര്‍ മരണപ്പെട്ടു. കാറില്‍ ഉണ്ടായിരുന്ന ചിറക്കല്‍ അലവില്‍ നിന്നുള്ള പ്രജുല്‍ (34) പൂര്‍ണിമ (30) എന്നിവരാണ് മരണപ്പെട്ടത്. രണ്ട് പേര്‍ക്ക് പരുക്കേറ്റിട്ടുമുണ്ട്. പുലര്‍ച്ചെ 2.30നായിരുന്നു സംഭവം. പാപ്പിനിശ്ശേരി പിലാത്തറ റോഡില്‍ കെ കണ്ണപുരം പാലത്തിന് അടുത്ത് വച്ചാണ്‌ അപകടം നടന്നത്. മൂകാംബിക ക്ഷേത്രദര്‍ശനത്തിന് ശേഷം നാട്ടിലേക്ക് മടങ്ങുന്നവരുന്നതിനിടെയാണ് അപകടം ഉണ്ടായത്.