19 യാത്രക്കാരും മൂന്നു ജീവനക്കാരുമായി നേപ്പാളില്‍ നിന്ന് പറന്നുയര്‍ന്ന വിമാനം കാണാതായി. യാത്രക്കാരില്‍ 4 പേര്‍ ഇന്ത്യക്കാരാണ്.പൊഖാറയില്‍ നിന്നും ജോംസോമിലേക്ക് പുറപ്പെട്ട വിമാനമാണ് കാണതായത്.
താര എയര്‍ലൈന്‍സിന്റെ 9 എന്‍ എഇടി വിമാനമാണ് കാണാതായത്.രാവിലെ 9:55ഓടേ വിമാനത്തില്‍ നിന്നുള്ള ബന്ധം നില്‍ക്കുകയായിരുന്നു. വിമാനം പറന്നുയര്‍ന്ന് മിനിറ്റുകള്‍ക്കകം ബന്ധം നിലച്ചതായും ത്രിഭുവന്‍ അന്താരാഷ്ട്ര വിമാനത്താവള അധികൃതര്‍ പറയുന്നു.
കാണാതായ വിമാനം കണ്ടെത്തുന്നതിനായി 2 സ്വകാര്യ ഹെലികോപ്റ്ററുകള്‍ ആഭ്യന്തരമന്ത്രാലയം വിന്യസിച്ചിട്ടുണ്ട്.നേപ്പാള്‍ ആര്‍മിയും വിന്യസിക്കാന്‍ തയ്യാറെടുക്കുകയാണെന്ന് നേപ്പാള്‍ ആഭ്യന്തരമന്ത്രാലയം അറിയിച്ചു.