കോഴിക്കോട്: വെള്ളിമാട്കുന്നിലെ ചില്‍ഡ്രന്‍സ് ഹോമില്‍ നിന്നും വീട്ടിലേക്ക് കൊണ്ടുപോയ ഒരു പെണ്‍കുട്ടിയെ കാണാനില്ല. വീട്ടില്‍ നിന്ന് സ്‌കൂളിലേക്ക് എന്ന് പറഞ്ഞ് പോയതായിരുന്നു പെണ്‍കുട്ടി. പിന്നാലെയാണ് കാണാതായത്. സംഭവത്തില്‍ വെള്ളയില്‍ പോലീസ് കേസെടുക്കുകയും അന്വേഷണം ആരംഭിക്കുകയും ചെയ്തിട്ടുണ്ട്. ക്ലാസില്‍ പെണ്‍കുട്ടിയെ കാണാത്തതിനാല്‍ അധ്യാപകന്‍ രക്ഷിതാവിനെ വിളിച്ച് അന്വേഷിച്ചിരുന്നു. പെണ്‍കുട്ടി സ്‌കൂളില്‍ എത്തിയിട്ടില്ലെന്ന് വ്യക്തമായതോടെയാണ് രക്ഷിതാവ് പൊലീസിനെ വിളിച്ച് അറിയിച്ചത്.
കഴിഞ്ഞ മാസം വെള്ളിമാട്കുന്ന് ചില്‍ഡ്രന്‍സ് ഹോമില്‍ നിന്നും രക്ഷപ്പെട്ട 6 പെണ്‍കുട്ടികളില്‍ ഒരാളാണ് ഇന്ന് കാണാത്തായ പെണ്‍കുട്ടി.ബെംഗളൂരുവിലേക്കായിരുന്നു ഇവര്‍ പോയത്. പിന്നാലെ പോലീസ് നടത്തിയ അന്വേഷണത്തില്‍ രണ്ട് പേരെ ബെംഗളൂരുവില്‍ നിന്ന് കണ്ടെത്തുകയായിരുന്നു. മൂന്ന് പേരെ മലപ്പുറത്തെ എടക്കരയില്‍ നിന്നും കണ്ടെത്തി.