ഉന്നതവിദ്യാഭ്യാസ വകുപ്പ് മന്ത്രി ആര്‍. ബിന്ദു സത്യപ്രതിജ്ഞാ ലംഘനമാണ് നടത്തിയതെന്ന് സിപിഐ സംസ്ഥാന കൗണ്‍സില്‍.
കണ്ണൂര്‍ വിസി നിയമനവുമായി ബന്ധപ്പെട്ട വിഷയത്തിലാണ് മന്ത്രി സത്യപ്രതിജ്ഞാ ലംഘനം നടത്തിയതെന്ന് സിപിഐ സംസ്ഥാന കൗണ്‍സില്‍ പറഞ്ഞു.
വി എസ് സുനില്‍കുമാറും ആര്‍ ലതാദേവിയും അരുണ്‍ബാബുവുമാണ് മന്ത്രിക്കെതിരെ വിമര്‍ശനം ഉയര്‍ത്തിയത്. സിപിഎം ആധിപത്യമാണ് സര്‍വകലാശാല നിയമനങ്ങളില്ലെന്നും പുനര്‍നിയമനത്തിന്റെ ആവശ്യമില്ലായിരുന്നുവെന്നും വിമര്‍ശനം ഉയര്‍ന്നു.
മുന്‍പ് സിപിഐ സംസ്ഥാന സെക്രട്ടറി കാനം രാജേന്ദ്രന്‍ മന്ത്രിയെ തള്ളി രംഗത്തെത്തിയിട്ടുണ്ടായിരുന്നു. മന്ത്രിക്ക് ഗവര്‍ണ്ണറിന്
കത്തയക്കാന്‍ അധികാരമില്ല എന്നായിരുന്നു കാനം പറഞ്ഞിരുന്നത്.
കൗണ്‍സിലില്‍ കെറെയില്‍ പദ്ധതിക്കെതിരേയും വിമര്‍ശനം ഉയര്‍ന്നിരുന്നു. കോവിഡ് പ്രതിസന്ധിയെ തുടര്‍ന്ന് ജനങ്ങള്‍ ബുദ്ധിമുട്ട് അനുഭവിക്കുമ്പോള്‍ സര്‍ക്കാര്‍ പ്രധാന്യം നല്‍കേണ്ടത് കെറെയിലിന് ആയിരുന്നില്ലെന്നും പദ്ധതി പരിസ്ഥിതിക്ക് പ്രതികൂലമാണെന്നുമായിരുന്നു വിമര്‍ശനം.