പ്രതിയെ പിടികൂടാനെത്തിയ നാല് പൊലീസുകാര്‍ക്ക് കുത്തേറ്റു

പ്രതിയെ പിടികൂടാനുള്ള ശ്രമത്തിനിടെ നാല് പൊലീസുകാര്‍ക്ക് കുത്തേറ്റു. തിരുവനന്തപുരം കല്ലമ്പലം കടമ്പാട്ടുകോണത്താണ് സംഭവം നടന്നത്. ലഹരിമരുന്ന് കേസിലെ പ്രതി അനസിനെ പിടികൂടുന്നതിനിടെയാണ്  കുത്തേറ്റത്. ശ്രീജിത്ത്,വിനോദ്, ചന്തു, ജയന്‍ എന്നിവര്‍ക്കാണ് കുത്തേറ്റത്. ഇതില്‍ രണ്ട് പേര്‍ ഗുരുതരാവസ്ഥയില്‍ തുടരുകയാണ്. പരിക്കേറ്റ പൊലീസുകാരെ തിരുവനന്തപുരത്തുള്ള സ്വകാര്യ ആശുപത്രിയിലേക്ക് മാറ്റിയിട്ടുണ്ട്.  പൊലീസുകാരെത്തി അനസിനെ അറസ്റ്റ് ചെയ്തു.