രാജസ്ഥാനിലെ ജില്ലാ പരിഷത്, പഞ്ചായത്ത് സമിതി ഡിവിഷനുകളിലേക്ക് നടന്ന തെരഞ്ഞെടുപ്പില്‍ മികച്ച വിജയവുമായി കോണ്‍ഗ്രസ്. ബാരന്‍, കോട്ട, ഗംഗാനഗര്‍, കരൗലി എന്നി 4 ജില്ലകളിലെ പഞ്ചായത്ത് സമിതികളിലേക്കാണ് തെരഞ്ഞെടുപ്പ് നടന്നത്.
പഞ്ചായത്ത് സമിതികളിലെ 538 വാര്‍ഡുകളുടെ ഫലമാണ് നിലവില്‍ പുറത്തുവന്നത്. 254 സീറ്റുകളാണ് ഇതില്‍ കോണ്‍ഗ്രസിന് നേടാന്‍ സാധിച്ചത്. 163 സീറ്റുകള്‍ മാത്രമാണ് ബിജെപിക്ക് വിജയിക്കാനായത്. 9 സീറ്റുകളില്‍ സിപിഎമ്മും 14 സീറ്റുകളില്‍ ബിഎസ്പിയും 1 സീറ്റില്‍ ആര്‍എല്‍പിയും വിജയിച്ചു. അതേസമയം, സ്വതന്ത്ര സ്ഥാനാര്‍ത്ഥികള്‍ നേടിയത് 97 സീറ്റുകളാണ്.
നിലവില്‍ വോട്ടെണ്ണല്‍ പുരോഗമിക്കുകയാണ്. കനത്ത മുടല്‍മഞ്ഞിനെ തുടര്‍ന്ന് 11 മണിക്കാണ് വോട്ടെണ്ണല്‍ ആരംഭിച്ചത്.