പഞ്ചാബ് പിസിസി അധ്യക്ഷന്‍ നവജ്യോത് സിംഗ് സിദ്ദു സംസ്ഥാന നിയമസഭാ തെരഞ്ഞെടുപ്പിനുള്ള നാമനിര്‍ദ്ദേശ പത്രിക സമര്‍പ്പിച്ചു.
അമൃത്സര്‍ ഈസ്റ്റില്‍നിന്നാണ് അദ്ദേഹം മത്സരിക്കുന്നത്. സിദ്ദു ഈ മണ്ഡലത്തിലെ സിറ്റിങ് എം.എല്‍.എയാണ്. ബിക്രം സിംഗ് മജിതി എന്ന പഞ്ചാബിലെ ശിരോമണി അകാലിദളിന്റെ മുന്‍ മന്ത്രിയാണ് സിദ്ദുവിന് എതിരെ മത്സരിക്കുന്നത്.
മുഖ്യമന്ത്രി ചരണ്‍ജിത്ത് സിങ് ചന്നിയും ശനിയാഴ്ച നാമനിര്‍ദ്ദേശ പത്രിക സമര്‍പ്പിച്ചിരുന്നു. ചാംകൗര്‍ സാഹിബില്‍നിന്നാണ് ചന്നി മത്സരിക്കുന്നത്. ഫെബ്രുവരി 20നാണ് പഞ്ചാബില്‍ നിയമസഭാ തെരഞ്ഞെടുപ്പ്. മാര്‍ച്ച് 10നാണ് വോട്ടെണ്ണല്‍. 117 മണ്ഡലങ്ങളാണ് പഞ്ചാബില്‍ ഉള്ളത്.