ജബല്‍പൂര്‍: മധ്യപ്രദേശിലെ ജബല്‍പൂരിനു സമീപം കജുരാഹോയില്‍ പീഡന ശ്രമം തടഞ്ഞതിന് യുവതിയെ ട്രെയിനില്‍ നിന്ന് പുറത്തെറിഞ്ഞു. ഗുരുതരമായി പരിക്കേറ്റ 25കാരിയെ ഛത്തര്‍പൂര്‍ ജില്ലാ ആശുപത്രിയില്‍ പ്രവേശിപ്പിച്ചു. ഏപ്രില്‍ 27ന് രാത്രി മധ്യപ്രദേശിലെ കജുരാഹോക്കും ഉത്തര്‍പ്രദേശിലെ മഹോബാക്കും ഇടയില്‍ സര്‍വീസ് നടത്തുന്ന പാസഞ്ചര്‍ ട്രെയിനിലായിരുന്നു സംഭവമെന്ന് യുവതി റെയില്‍വേ പൊലിസിനു മൊഴി നല്‍കി.
സഹയാത്രികനാണ് ഓടിക്കൊണ്ടിരുന്ന ട്രെയിനില്‍ പീഡിപ്പിക്കാന്‍ ശ്രമിച്ചത്. ചെറുത്തുനില്‍ക്കാന്‍ ശ്രമിച്ചതോടെ ട്രെയിനില്‍നിന്ന് തള്ളിവീഴ്ത്തുകയായിരുന്നു. ഉത്തര്‍പ്രദേശിലെ ബന്ദ നിവാസിയായ യുവതി മധ്യപ്രദേശിലെ ഛത്തര്‍പൂരില്‍ ക്ഷേത്ര ദര്‍ശനം നടത്തി നാട്ടിലേക്ക് മടങ്ങും വഴിയാണ് സംഭവം.