കേരളത്തില്‍ 44 പേര്‍ക്ക് കൂടി ഒമിക്രോണ്‍ റിപ്പോര്‍ട്ട് ചെയ്തതായി ആരോഗ്യ വകുപ്പ് അറിയിച്ചു. എറണാകുളം 12, കൊല്ലം 10, തിരുവനന്തപുരം 8, തൃശൂര്‍ 4 തുടങ്ങിയ ജില്ലകളിലാണ് ഏറ്റവും അധികം കേസുകള്‍ റിപ്പോര്‍ട്ട് ചെയ്തത്. കോട്ടയം, പാലക്കാട്, മലപ്പുറം, കണ്ണൂര്‍ തുടങ്ങിയ ജില്ലകളില്‍ 2 വീതവും ആലപ്പുഴ, ഇടുക്കി 1 വീതം പേര്‍ക്കുമാണ് ഒമിക്രോണ്‍ കണ്ടെത്തിയത്.
ഇന്ന് രോഗം വന്നവരില്‍ 10 പേര്‍ ഹൈ റിസ്‌ക് രാജ്യങ്ങളില്‍ നിന്ന് എത്തിയവരാണ്. 27 പേര്‍ ലോ റിസ്‌ക് രാജ്യങ്ങളില്‍ നിന്നാണ് എത്തിയത്. സമ്പര്‍ക്കം മൂലം ഒമിക്രോണ്‍ സ്ഥിതികരിച്ചത് 7 പേര്‍ക്കാണ്. ഇന്ന് റിപ്പോര്‍ട്ട് ചെയ്തത് ഉള്‍പ്പടെ നിലവില്‍ കേരളത്തില്‍ 107 പേര്‍ക്കാണ് ഒമിക്രോണ്‍ സ്ഥിരീകരിച്ചത്.