ഛത്തീസ്ഗഡില്‍ മാവോയിസ്റ്റ് ആക്രമണം;മലയാളി സി ആര്‍ പി എഫ് ജവാന് വീരമൃത്യു.
പാലക്കാട് ധോണി സ്വദേശി മുഹമ്മദ് ഹക്കീമാണ് (35) വീരമൃത്യു വരിച്ചത്. രണ്ടുമാസം മുന്‍പാണ് ഹക്കീം ഛത്തീസ്ഗഡില്‍ എത്തിയത്. നിലവില്‍ റേഡിയോ ഓപ്പറേറ്ററായാണ് ജോലി ചെയ്തിരുന്നത്. മൃതദേഹം ഇന്നു വൈകിട്ട് മണിക്ക് വസതിയിലെത്തിക്കും, പിന്നീട് നാളെ രാവിലെ ധോണി സ്‌കൂളില്‍ പൊതുദര്‍ശനത്തിനു വെച്ചശേഷം ഖബറടക്കും.
വിമുക്തഭടനായ സുലൈമാന്റെയും നിലാവര്‍ണീസയുടെയും മകനാണ് . ഭാര്യ റംസീന. മകള്‍ അഫ്സീന ഫാത്തിമ.
ഇന്നലെ വൈകിട്ടോടെയാണ് മാവോയിസ്റ്റുകള്‍ സി ആര്‍ പി എഫ് ക്യാംപ് ആക്രമിക്കുന്നത്.