കാബൂള്‍: അഫ്ഗാനിസ്ഥാനില്‍ നിന്ന് പൗരന്മാരെ ഒഴിപ്പിക്കുന്നതിന് ആയി എത്തിയ യുക്രയ്ന്‍ വിമാനം റാഞ്ചിയെന്ന് റിപ്പോര്‍ട്ട്. യുക്രയ്ന്‍ പൗരന്മാരെ ഒഴിപ്പിക്കുന്നതിനായി കാബൂളില്‍ എത്തിയ വിമാനമാണ് തട്ടിയെടുത്തത്. കഴിഞ്ഞ ആഴ്ചയോടെ എത്തിയ വിമാനമാണ് തട്ടിയെടുത്തത്.
വിമാനം അജ്ഞാതരായ യാത്രക്കാരുമായി ഇറാനിലേക്ക് പറന്നുവെന്നും യുക്രയ്ന്‍ മന്ത്രി പറയുന്നു. വിമാനം തട്ടിയെടുത്തവര്‍ ആയുധധാരികള്‍ ആണെന്നും വിമാനത്തിന് പിന്നീട് എന്ത് സംഭവിച്ചു എന്നതും വ്യക്തമല്ല. സംഭവത്തില്‍ ഇടപെടല്‍ നടന്നുവരികയാണ് മന്ത്രി പ്രസ്താവനയില്‍ അറിയിച്ചു.
അതേസമയം വിമാനം ഇറാനില്‍ എത്തിയെന്ന് വാര്‍ത്ത ഇറാന്‍ നിഷേധിച്ചിട്ടുണ്ട്.