പാരീസ്: കാത്തിരിപ്പിന് അവസാനം. ലിയോ മെസി പി.എസ്.ജി ജഴ്‌സിയില്‍ ഇന്ന് ആദ്യ മല്‍സരത്തിനിറങ്ങുന്നു. റൈംസിനെതിരായ ഹോം ഗെയിമിലാണ് മെസി കളിക്കുന്നത്. ഒപ്പം നെയ്മറും കിലിയന്‍ എംബാപ്പേയുമുണ്ടാവും. പി.എസ്.ജി വിട്ട് എംബാപ്പേ റയല്‍ മാഡ്രിഡിലെത്തുമെന്ന ചര്‍ച്ചകള്‍ സജീവമാണെങ്കിലും ഇന്ന് അദ്ദേഹം പന്ത് തട്ടുമെന്ന് കോച്ച് മൗറിസിയോ പൊച്ചറ്റിനോ സൂചന നല്‍കി.
മൂന്നാഴ്ച്ച മുമ്പാണ് മെസി പി.എസ്.ജിയിലെത്തിയത്. പക്ഷേ ഇത് വരെ അദ്ദേഹം ഇറങ്ങിയിരുന്നില്ല. സ്വന്തം വേദിയില്‍ തന്നെ മെസിയെ കളിപ്പിക്കാനുള്ള പി.എസ്.ജി താല്‍പ്പര്യ പ്രകാരമാണ് സൂപ്പര്‍ താരത്തിന്റെ അരങ്ങേറ്റം അല്‍പ്പം വൈകിയത്.