താഷകന്റ് : അഫ്ഗാന്‍ സൈനിക വിമാനം ഉസ്‌ബെക്കിസ്ഥാന്‍ വെടിവെച്ചു വീഴ്ത്തി. ഞായറാഴ്ച വൈകിട്ടോടെ ഉസ്‌ബെക്കിസ്ഥാന്‍ തെക്കന്‍ പ്രവിശ്യയിലാണ് സംഭവം. വ്യോമാതിര്‍ത്തി ലംഘിച്ചു എന്ന കാരണത്താല്‍ ഉസ്‌ബെക്കിസ്ഥാന്‍ വിമാനം വെടിവെച്ചു വീഴ്ത്തുകയായിരുന്നു.
വിമാനത്തിലുണ്ടായിരുന്ന രണ്ട് അഫ്ഗാന്‍ സൈനികര്‍ വിമാനം തകരാര്‍ ആകുന്നതിനുമുമ്പ് പാരച്യൂട്ട് ഉപയോഗിച്ച് ചാടി രക്ഷപ്പെട്ടതായി ആണ് റിപ്പോര്‍ട്ട്.
അതെ സമയം അഫ്ഗാന്‍ യൂണിഫോം ധാരികളായ രണ്ട് സൈനികര്‍ ഉസ്‌ബെക്കിസ്ഥാന്‍ തെക്കന്‍ പ്രവിശ്യയിലെ ഒരു ആശുപത്രിയില്‍ ചികിത്സയില്‍ കഴിയുന്നു എന്നും വാര്‍ത്തകള്‍ പുറത്തുവരുന്നു.