ഭോപ്പാല്‍: ഇന്ധന വിലവര്‍ദ്ധനവ് ചോദ്യം ചെയ്ത മാധ്യമപ്രവര്‍ത്തകനോട് താലിബാന്‍ ഭരിക്കുന്ന അഫ്ഗാനിസ്ഥാനിലേക്ക് പോകാന്‍ പറഞ്ഞു ബിജെപി നേതാവ്. മധ്യപ്രദേശിലെ ബിജെപി നേതാവായ രാം രത്‌ന പയാല്‍ ആണ് ഇത്തരത്തിലൊരു വിവാദ പ്രസ്താവന നടത്തിയത്.
താലിബാനിലേക്ക് പോകുക. അഫ്ഗാനിസ്ഥാനില്‍ പെട്രോള്‍ ലിറ്ററിന് 50 രൂപയ്ക്ക് വില്‍ക്കുന്നു. അവിടെ പോയി നിങ്ങളുടെ പെട്രോള്‍ നിറയ്ക്കുക, അവിടെ ഇന്ധനം നിറയ്ക്കാന്‍ ആരുമില്ല. കുറഞ്ഞത് ഇവിടെ നിങ്ങള്‍ക്ക് സുരക്ഷയുണ്ട് എന്നിങ്ങനെയായിരുന്നു
ന്യായീകരണം
കൂടാതെ കൊറോണോ പ്രതിസന്ധിയില്‍ പ്രധാനമന്ത്രി നടത്തുന്ന നല്ല കാര്യങ്ങളെ കുറിച്ച് പ്രശംസിക്കാനും ബിജെപി നേതാവ് മറന്നില്ല. ഇയാളുടെ പ്രസംഗം വ്യാപകമായി പ്രചരിച്ചതിന് പിന്നാലെ സംഭവം വിവാദമായിട്ടുണ്ട്.