ശ്രീലങ്കയ്‌ക്കെതിരായ ടെസ്റ്റ് പരമ്പരയിലും ഇന്ത്യക്ക് സമ്പൂര്‍ണ ജയം. ബംഗ്ലൂരുവില്‍ വെച്ച് നടന്ന രണ്ടാം ടെസ്റ്റില്‍ 238 റണ്‍സിനാണ് ഇന്ത്യയുടെ ജയം. 447 റണ്‍സ് വിജയലക്ഷ്യം പിന്തുടര്‍ന്ന ശ്രീലങ്കയ്ക്ക് 208 റണ്‍സ് മാത്രമേ നേടാന്‍ സാധിച്ചുള്ളു. ലങ്കന്‍ ക്യാപ്റ്റന്‍ കരുണരത്‌നെയുടെ സെഞ്ച്വറിയാണ് ടീമിനെ 200 കടക്കാന്‍ സഹായിച്ചത്. എട്ട് ലങ്കന്‍ താരങ്ങള്‍ രണ്ടക്കം കാണാതെയാണ് പുറത്തായത്.
ഇന്ത്യക്കായി രണ്ടാം ഇന്നിങ്‌സില്‍ സ്പിന്നര്‍മാര്‍ മിന്നി. ആര്‍.അശ്വിന്‍ നാല് വിക്കറ്റും അക്‌സര്‍ പട്ടേല്‍ രണ്ട് വിക്കറ്റും ജഡേജ ഒരു വിക്കറ്റും നേടി. ബുംറ മൂന്ന് വിക്കറ്റും നേടി. ആദ്യ ഇന്നിങ്‌സിലും മികച്ച് പ്രകടനമാണ് ബുംറ കാഴ്ച്ചവെച്ചത്. അഞ്ച് വിക്കറ്റാണ് ആദ്യ ഇന്നിങ്‌സില്‍ നേടിയിരുന്നത്.
രണ്ടാം ഇന്നിങ്‌സില്‍ ഒമ്പത് വിക്കറ്റ് നഷ്ടത്തില്‍ 303 റണ്‍സ് എന്ന നിലയില്‍ ഡിക്ലയര്‍ ചെയ്യുകയായിരുന്നു ടീം ഇന്ത്യ. ശ്രേയസ് അയ്യരുടേയും ഋഷഭ് പന്തിന്റേയും അര്‍ധ സെഞ്ചുറിയാണ് ഇന്ത്യയുടെ സ്‌കോര്‍ 300 കടക്കാന്‍ കാരണം. മത്സരത്തിലെ താരം ശ്രേയസ് അയ്യരും പരമ്പരയിലെ താരം ഋഷഭ് പന്തുമാണ്.