അനനപൂര്‍: ആന്ധ്രാപ്രദേശിലെ അനനപൂറില്‍ ഗ്യാസ് സിലിണ്ടര്‍ പൊട്ടിത്തെറിച്ചുണ്ടായ അപകടത്തില്‍ നാല് പേര്‍ മരിച്ചു. വീട്ടില്‍ സൂക്ഷിച്ചിരുന്ന പാചകവാതക സിലിണ്ടര്‍ പൊട്ടിത്തെറിക്കുകയായിരുന്നു. മൂന്ന് വയസുള്ള കുട്ടിയും രണ്ട് സ്ത്രീകളും അപകടത്തില്‍ മരിച്ചു. ജൈനബി , ദാദു , ഷര്‍ഫുണ്ണി എന്നിവരാണ് മരിച്ചത്. മുളകേടിലെ ഒരു വീട്ടില്‍ വ്യാഴാഴ്ചയാണ് സംഭവം നടന്നത്.
സ്‌ഫോടനത്തെ തുടര്‍ന്ന് കെട്ടിടം തകരുകയും സമീപമുള്ള രണ്ടു വീടുകള്‍ക്ക് നാശനഷ്ടമേല്‍ക്കുകയും ചെയ്തു. ഗുരുതരമായി പൊള്ളലേറ്റവരെ ആശുപത്രിയില്‍ പ്രവേശിപ്പിച്ചു. പൊലീസ് സ്ഥലത്തെത്തി രക്ഷാപ്രവര്‍ത്തനം നടത്തിയിരുന്നു.