മുന്‍ ക്രിക്കറ്റ് താരം ഹര്‍ഭജന്‍ സിംങിനെ ആം ആദ്മി പാര്‍ട്ടി രാജ്യസഭാ സ്ഥാനാര്‍ഥിയായി തിരഞ്ഞെടുത്തു. പഞ്ചാബില്‍ നിന്നാണ് ഹര്‍ഭജന്‍ സിങിനെ എഎപി നാമനിര്‍ദേശം ചെയ്തത്.ഈ മാസാവസാനമാണ് തെരഞ്ഞെടുപ്പ് നടക്കുക.
1998 ല്‍ ഇന്ത്യക്കായി അരങ്ങേറ്റം കുറിച്ച ഹര്‍ഭജന്‍ കഴിഞ്ഞ വര്‍ഷം ഡിസംബറിലാണ് ക്രിക്കറ്റിന്റെ എല്ലാ ഫോര്‍മാറ്റുകളില്‍ നിന്നും വിരമിക്കല്‍ പ്രഖ്യാപിച്ചത്. ലോകകപ്പ് നേടിയ 2007, 2011 ഇന്ത്യന്‍ ടീമിലെ അംഗമായിരുന്നു ഹര്‍ഭജന്‍.
ഹര്‍ഭജനോടൊപ്പം രാഘവ് ചന്ദയേയും ഡോ. സന്ദീപ് പതക്കിനെയും പഞ്ചാബില്‍ നിന്നുള്ള രാജ്യസഭാ സ്ഥാനാര്‍ഥികളായി
എ.എ.പി പ്രഖ്യാപിച്ചിട്ടുണ്ട്. നിലവില്‍ മൂന്ന് എംപിമാരാണ് എ.എ.പിക്ക് രാജ്യസഭയിലുള്ളത്.