കൊല്ലം;പിരിവ് നല്‍കാത്തിന് വ്യവസായിയെ ഭീഷണിപ്പെടുത്തിയ ബ്രാഞ്ച് സെക്രട്ടറിയെ ന്യായീകരിച്ച് കൊല്ലം സി.പി.എം ജില്ലാ നേതൃത്വം.രക്തസാക്ഷി സ്മാരകത്തിന് ഫണ്ട് നല്‍കാത്തിന് വ്യവസായിയെ ഭീഷണിപ്പെടുത്തിയ ബ്രാഞ്ച് സെക്രട്ടറി ബിജു ശ്രീനിത്യത്തിനെതിരായ സംഭവത്തിലാണ് വിചിത്ര പ്രതികരണം.
നടപടിയെക്കുറിച്ച് ആലോചിച്ചിട്ടില്ലെന്നും തല്‍പര കക്ഷികള്‍ ബ്രാഞ്ച് സെക്രട്ടറിക്കെതിരെ വ്യാജ പ്രചാരണം നടത്തുകയാണ് എന്നാണ് ജില്ലാ നേതൃത്വത്തിന്റെ വാദം.
എന്നാല്‍ കഴിഞ്ഞ ദിവസങ്ങളില്‍ ഇയാള്‍ ഭീക്ഷണി മുഴക്കി സംസാരിക്കുന്നതിന്റെ ഓഡിയോ സന്ദേശം പുറത്തു വന്നിരുന്നു. പിരിവ് നല്‍കിയില്ലെങ്കില്‍ നിര്‍മിച്ച കണ്‍വന്‍ഷന്‍ സെന്ററില്‍ കൊടികുത്തുമെന്നും, സ്ഥാപനത്തിനോട് ചേര്‍ന്നുള്ള സ്ഥലം തരംമാറ്റാന്‍ അനുവദിക്കില്ലെന്നുമായിരുന്നു ബ്രാഞ്ച് സെക്രട്ടറിയുടെ ഭീഷണി.