മലപ്പുറം: ചന്ദ്രിക നവതി ആഘോഷഭാഗമായി വിദ്യാഭ്യാസ പ്രദര്‍ശനവും ആദരവും സംഘടിപ്പിക്കുന്നു. ജൂലൈ 5,6 തിയ്യതികളില്‍ കോട്ടക്കല്‍ ചങ്കുവെട്ടി പി.എം.ഓഡിറ്റോറിയത്തില്‍ നടക്കുന്ന വിദ്യാഭ്യാസ എക്സ്പോയില്‍ ഉന്നത വിദ്യാഭ്യാസത്തിനു വഴികാട്ടിയായി നിരവധി വിദ്യാഭ്യാസ സ്റ്റാളുകള്‍ അണി നിരക്കും. ജില്ലയില്‍ ഇക്കഴിഞ്ഞ എസ്.എസ്.എല്‍.സി, ഹയര്‍സെക്കണ്ടറി പരീക്ഷകളില്‍ മുഴുവന്‍ വിഷയങ്ങളിലും എ പ്ലസ് നേടിയ വിദ്യാര്‍ത്ഥികള്‍ക്ക് അവാര്‍ഡ് നല്‍കും.
ജില്ലയില്‍ നിന്നു ഏറ്റവും കൂടുതല്‍ എ പ്ലസ് വിജയികളെ സമ്മാനിച്ച സ്‌കൂളുകളെ ആദരിക്കും. വിദ്യാഭ്യാസ വിചക്ഷണരായ പ്രമുഖര്‍ കരിയര്‍ഗൈഡന്‍സ് ക്ലാസ് നയിക്കും. രണ്ട് ദിവസവും കാലത്ത് 10 മുതല്‍ വൈകീട്ട് 6 വരെ നീളുന്നതാണ് പരിപാടി. വിവിധ പരീക്ഷകള്‍ വിജയിച്ചവര്‍ ഉപരിപഠനത്തിനായി അവസരം തേടുന്ന വേളയില്‍ ഏറെ ഉപകാരപ്പെടുന്നതായിരിക്കും എക്സ്പോ. ഉപരിപഠനം ആഗ്രഹിക്കുന്നവര്‍ ഉള്‍പ്പെടെ പങ്കെടുക്കണമെന്ന് ചന്ദ്രിക മാനേജ്മെന്റ് അറിയിച്ചു.