ആസ്‌ട്രേലയിന്‍ ക്രിക്കറ്റ് ഇതിഹാസം ഷെയ്ന്‍ വോണിന്റെ മരണത്തില്‍ അസ്വാഭാവികതയില്ലെന്ന് തായ്‌ലാന്‍ഡ് പോലീസ് അറിയിച്ചു.
പോസ്റ്റ്‌മോര്‍ട്ടം റിപ്പോര്‍ട്ടിന്റെ അടിസ്ഥാനത്തിലാണ് പോലീസ് ഇക്കാര്യം വ്യക്തമാക്കിയത്. ഷെയ്‌നിന്റെത് സാധാരണ മരണമാണെന്ന് ഫൊറന്‍സിക് ഡോക്ടര്‍ അറിയിച്ചതായി ദേശീയ പോലീസ് ഉപവക്താവ് പറഞ്ഞു. പ്രോസിക്യൂട്ടര്‍ക്ക് പോസ്റ്റ്‌മോര്‍ട്ടം റിപ്പോര്‍ട്ട് ഉടനെ അയക്കുമെന്നും അദ്ദേഹം കൂട്ടിചേര്‍ത്തു.
തായ്‌ലാന്‍ഡിലെ ദ്വീപിലെ ആഡംബര വില്ലയിലാണ് ഷെയ്ന്‍ വോണിനെ മരിച്ച നിലയില്‍ കണ്ടെത്തിയത്. വെള്ളിയാഴ്ചയായിരുന്നു സംഭവം. 52 വയസായിരുന്നു.