തൃശൂര്‍ കണ്ണാറയില്‍ മദ്യലഹരിയില്‍ കാറോടിച്ച് ബൈക്ക് യാത്രക്കാരായ ദമ്പതികളെ ഇടിച്ചുതെറിപ്പിച്ച് നിര്‍ത്താതെപോയ സംഭവത്തില്‍ എഎസ്‌ഐ അറസ്റ്റില്‍. ഇന്നലെ രാത്രിയോടെയാണ് സംഭവം.സംഭവത്തില്‍ മലപ്പുറം പോലീസ് ക്യാമ്പിലെ എഎസ്‌ഐ പ്രശാന്ത് ആണ് പിടിയിലായത്. ഇയാള്‍ വടക്കേക്കാട് സ്റ്റേഷനില്‍ താല്‍ക്കാലിക ഡ്യൂട്ടി ആയിരുന്നു.
സുഹൃത്തിന്റെ വീട്ടില്‍ പിറന്നാളാഘോഷത്തിന് പോയതായിരുന്നു എഎസ്‌ഐയും സുഹൃത്തുക്കളും. എതിരെ വന്ന ബൈക്കില്‍ സഞ്ചരിച്ചിരുന്ന ദമ്പതികളെ ഇവര്‍ സഞ്ചരിച്ചിരുന്ന വാഹനം ഇടിച്ചു തെറിപ്പിക്കുകയായിരുന്നു. ശേഷം കാര്‍ നിര്‍ത്താതെ ഇവര്‍ രക്ഷപ്പെടാന്‍ ശ്രമിക്കുകയും ചെയ്തു. എന്നാല്‍ നാട്ടുകാര്‍ പിന്തുടര്‍ന്ന് ഇത് തടയുകയായിരുന്നു. തുടര്‍ന്ന് നാട്ടുകാര്‍ ചേര്‍ന്ന് ഇവരെ പോലീസില്‍ ഏല്പിക്കുകയും എഎസ്‌ഐ പ്രശാന്ത് തന്നെയാണ് മദ്യപിച്ചു വാഹനമോടിച്ചതിന് അന്വേഷണത്തില്‍ കണ്ടെത്തുകയും ചെയ്തു. ഇയാളോടൊപ്പം യാത്ര ചെയ്ത് മൂന്ന് സുഹൃത്തുക്കള്‍ക്ക് എന്റെയും പോലീസ് അറസ്റ്റ് രേഖപ്പെടുത്തിയിട്ടുണ്ട്. ബൈക്കില്‍ സഞ്ചരിച്ചിരുന്ന ദമ്പതികള്‍ക്ക് അപകടത്തില്‍ സാരമായി പരിക്കേറ്റിട്ടുണ്ട്.