തിരുവനന്തപുരം തമ്പാനൂരിലെ സ്വകാര്യ ഹോട്ടലില്‍ സിവില്‍ പൊലീസ് ഓഫീസറെ ആത്മഹത്യ ചെയ്ത നിലയില്‍ കണ്ടെത്തി. ഹോട്ടല്‍ മുറിയില്‍ തൂങ്ങിമരിച്ച നിലയിലാണ് കണ്ടെത്തിയത്. നെയ്യാറ്റിന്‍കര പൊലീസ് സ്‌റ്റേഷനിലെ എസ്.ജെ സജിയാണ് മരണപ്പെട്ടത്.
കഴിഞ്ഞ രണ്ട് ദിവസമായി സജിയെ കാണാനില്ലായിരുന്നു. സജിയുടെ കുടുംബം പൊലീസില്‍ പരാതി നല്‍കിയിരുന്നു. കേസെടുത്ത് അന്വേഷണം നടത്തിവരെയാണ് സജിയെ ആത്മഹത്യ ചെയ്ത നിലയില്‍ കണ്ടെത്തിയത്.
ഇന്നലെ ഉച്ചയോടെ സജി ഹോട്ടലില്‍ മുറിയെടുത്തതെന്നാണ് ലഭിക്കുന്ന വിവരം. ഇന്ന് പുലര്‍ച്ചെ ഹോട്ടല്‍ ജീവനക്കാരാണ് സജിയെ മുറിയില്‍ തൂങ്ങിമരിച്ച നിലയില്‍ കണ്ടെത്തിയത്. അതേസമയം, ചില മുതിര്‍ന്ന ഉദ്യോഗസ്ഥരുടെ പീഡനമാണ് ആത്മഹത്യക്ക് കാരണമെന്ന് ആരോപിച്ച് സജിയുടെ കുടുംബം പരാതി നല്‍കി.