കൊല്ലം കുണ്ടറയില്‍ ബാറില്‍വെച്ച് ജീവനക്കാരുടെ മര്‍ദനമേറ്റ അതിഥി തൊഴിലാളി മരിച്ചു. മഹാരാഷ്ട്ര സ്വദേശി പര്‍വീന്‍ രാജുവാണ് മരണപ്പെട്ടത്. ഇന്നലെ രാത്രി 11 മണിയോടെയാണ് സംഭവം നടന്നത്.
ബാര്‍ അടച്ചതിന് ശേഷം മദ്യം ആവശ്യപ്പെട്ട് എത്തിയ പര്‍വീന്‍ രാജുവുമായി ബാറിലെ ജീവനക്കാര്‍ വാക്ക് തര്‍ക്കത്തിലാവുകയും മര്‍ദിക്കുകയുമായിരുന്നു. ഇന്ന് രാവിലെയാണ് പര്‍വിന്‍ രാജു മരണപ്പെട്ടത്. സംഭവത്തില്‍ പൊലീസ് അന്വേഷണം ആരംഭിച്ചു. പര്‍വിനെ ബാര്‍ ജീവനക്കാര്‍ ക്രൂരമായി മര്‍ദിച്ചെന്നാണ് പരാതി.