നടന്‍ മമ്മൂട്ടിയെ സന്ദര്‍ശിച്ച് തൃക്കാക്കര യൂഡിഎഫ് സ്ഥാനാര്‍ത്ഥി ഉമ തോമസ്. എറണാകുളം എംപി ഹൈബി ഈഡനൊപ്പം എത്തിയാണ് ഉമ മമ്മൂട്ടിയുടെ പിന്തുണ തേടിയത്. എളംകുളത്തെ വീട്ടിലെത്തിയ ഉമയെ താരം കൈകൂപ്പി സ്വീകരിച്ചു. ആശംസകളും നേര്‍ന്നു.
മഹാരാജാസിലെ പഠന കാലം മുതല്‍ പി.ടി.തോമസുമായി മമ്മൂട്ടി ആത്മബന്ധം സൂക്ഷിച്ചിരുന്നു. നടന്‍ രമേഷ് പിഷാരടിയും ഒപ്പമുണ്ടായിരുന്നു.
ലീലാവതി ടീച്ചര്‍, സാനുമാഷ് എന്നിവരേയും ഉമ സന്ദര്‍ശിച്ചിരുന്നു. ലീലാവതി ഉമക്ക് തെരഞ്ഞെടുപ്പില്‍ കെട്ടിവയ്ക്കാനുള്ള പണം നല്‍കി.