പന്ത്രണ്ടുകാരനെ കാട്ടുപന്നി ആക്രമിച്ചു; പന്നിയെ വെടിവെച്ച് കൊന്നു

കോഴിക്കോട് തിരുവമ്പാടിയില്‍ 12 വയസ്സുകാരനെ കാട്ടുപന്നി ആക്രമിച്ചു. ചേപ്പിലങ്ങോട് സ്വദേശിയായ സനൂപിന്റെ മകന്‍ അദ്‌നാനെയാണ് (12) പന്നി ആക്രമിച്ചത്. രാവിലെ ഒമ്പതരയ്ക്കായിരുന്നു സംഭവം നടന്നത്. സൈക്കിളില്‍ പോവുകയായിരുന്ന കുട്ടിയെ കാട്ടുപന്നി ഇടിച്ചുവീഴ്ത്തുകയും പിന്നാലെ ഇരുകാലുകളിലും അക്രമിക്കുകയും ചെയ്തു.

പരിക്കേറ്റ കുട്ടിയെ ഉടന്‍ സ്വകാര്യ ആശുപത്രിയില്‍ പ്രവേശിപ്പിച്ചു. കുട്ടിയെ ആക്രമിച്ച ശേഷം രക്ഷപ്പെട്ട പന്നി സമീപത്തുള്ള വീടിനുള്ളില്‍ കുടുങ്ങി. കാട്ടുപന്നിയെ വനപാലകര്‍ എത്തി വെടിവച്ചുകൊന്നു.