കര്‍ണാടകയിലെ ഗുണ്ടല്‍പ്പേട്ടില്‍ ക്വാറിയില്‍ മണ്ണിടിഞ്ഞത്തിനെ തുടര്‍ന്ന് മൂന്ന് തൊഴിലാളികള്‍ മരണപ്പെട്ടു. തൊഴിലാളികളായ ആറ് പേര്‍ പാറക്കെട്ടിനുളില്‍ കുടുങ്ങിക്കിടക്കുന്നതായാണ് ലഭിക്കുന്ന വിവരം. ഗുണ്ടല്‍പ്പേട്ട് മടഹള്ളി കുന്നിലാണ് അപകടം നടന്നത്. രാവിലെ 11:30 നാണ് സംഭവം നടന്നത്. മലയാളിയാണ് ക്വാറി നടത്തുന്നത്.
പാറ പൊട്ടിക്കുന്നതിന്റെ ഭാഗമായി ടിപ്പര്‍ ലോറികള്‍ കുന്നിടിച്ച് മണ്ണ് മാറ്റുന്ന സമയം കുന്നിടിയുകയായിരുന്നുവെന്നാണ് വിവരം. മരണപ്പെട്ടവരുടെ വിവരങ്ങള്‍ ലഭ്യമായില്ല. കാണാതായവര്‍ക്കായി തിരച്ചില്‍ തുടരുകയാണ്.