തിരുവനന്തപുരം: കെ.എസ്.ആര്‍.ടി.സി. ബസ് അടച്ചിട്ട കടയിലേക്ക് ഇടിച്ചുകയറി അപകടം. നെയ്യാറ്റിന്‍കര വെടിവച്ചാന്‍ കോവില്‍ പാരൂര്‍ക്കുഴിയിലായിരുന്നു സംഭവം നടന്നത്. മുപ്പതോളം പേര്‍ക്ക് പരിക്കേറ്റു. തിരുവനന്തപുരത്ത് നിന്ന് നാഗര്‍കോവിലിലേക്ക് പോവുകയായിരുന്ന ബസ് നിയന്ത്രണം വിട്ട് കടയിലേക്ക് ഇടിച്ചുകയറുകയായിരുന്നു.
കട ഇന്ന് അവധിയായതിനാല്‍ വലിയ ദുരന്തമാണ് ഒഴിവായത്. പരുക്കേറ്റവരെ ആശുപത്രികളില്‍ പ്രവേശിപ്പിച്ചു. ആരുടെയും പരുക്ക് ഗുരുതരമല്ല.