ഹെലികോപ്ടര്‍ തകര്‍ന്നുവീണ്‌ അപകടം. സംയുക്ത സേന മേധാവി ബിപിന്‍ റാവത്തടക്കം ഉന്നത ഉദ്യോഗസ്ഥര്‍ സഞ്ചരിച്ച ഹെലികോപ്ടറാണ്
തകര്‍ന്നുവീണത്. തമിഴ്‌നാട്ടിലെ ഊട്ടിയ്ക്കടുത്തുള്ള കൂനൂരിലാണ് സംഭവം നടന്നത്.11 പേര്‍ മരിച്ചതായും 14 പേര്‍ ഹെലികോപ്റ്ററിലുണ്ടായിരുന്നുവെന്നുമാണ് റിപ്പോര്‍ട്ടുകള്‍. അപകടത്തിന് കാരണം പ്രതികൂല കാലാവസ്ഥയാണെന്നാണ് വിലയിരുത്തല്‍.
അപകടത്തില്‍പ്പെട്ടത് ഐ.എ.എഫ് Mi-17V5 എന്ന ഹെലികോപ്ടറാണ്. ബിപിന്‍ റാവത്തിന് ഗുരുതരമായി പരിക്കേറ്റതായും വിവരങ്ങള്‍ വരുന്നുണ്ട്. ബിപിന്‍ റാവത്തിന്റെ കുടുംബാംഗങ്ങളും ഹെലികോപ്ടറിലുണ്ടായിരുന്നു എന്നാണ് പ്രാഥമിക വിവരങ്ങള്‍.
പൊള്ളലേറ്റ 2 പേരെ ആശുപത്രിയില്‍ പ്രവേശിപ്പിച്ചെന്ന് രക്ഷാപ്രവര്‍ത്തനത്തിന് നേതൃത്വം നല്‍കിയ സൈനികര്‍ വ്യക്തമാക്കി. ഹെലികോപ്ടര്‍ പുറപ്പെട്ടത് മൂന്നു സുലൂര്‍ വ്യോമ കേന്ദ്രത്തില്‍ നിന്നാണ്. വ്യോമസേന സംഭവത്തില്‍ അന്വേഷണം പ്രഖ്യാപിച്ചിട്ടുണ്ട്.