തമിഴ്‌നാട്ടിലെ കൃഷ്ണഗിരി ജില്ലയില്‍ ഇലട്രിക് സ്‌കൂട്ടര്‍ തീപിടിച്ച് അപകടം. ഹൊസൂറില്‍ ശനിയാഴ്ചയാണ് സംഭവം നടന്നത്. സ്‌കൂട്ടര്‍ ഓടിക്കുന്നതിനിടെയാണ് അപകടം ഉണ്ടായത്. ബാറ്ററിയുടെ സമീപത്തുനിന്ന് പുക വന്നതിനെ തുടര്‍ന്ന് ഉടമ സ്‌കൂട്ടര്‍ ഒതുക്കി നിര്‍ത്തുകയായിരുന്നു. ഉടന്‍ സ്‌കൂട്ടറില്‍നിന്ന് തീ ആളിപ്പടരുകയും പിന്നാലെ പൂര്‍ണമായി കത്തി നശിക്കുകയും ചെയ്തു. ആര്‍ക്കും പരിക്കില്ല. ഒകിനാവ ഐ പ്രെയ്‌സ് മോഡല്‍ സ്‌കൂട്ടര്‍ ഒരു വര്‍ഷം മുമ്പാണ് വാങ്ങിയത്.