ലോസ്ഏഞ്ചല്‍സ്: വേദിയില്‍ പ്രകടനം നടത്തവെ ഹാസ്യനടന്‍ ഡേവ് ചാപ്പല്‍ ആക്രമിക്കപ്പെട്ടു. തമാശകള്‍ പറയുന്നതിനിടയില്‍ വേദിയില്‍ ഇരച്ചുകയറിയെത്തിയ ഒരാള്‍ ചാപ്പലിന് ദേഹത്തേക്ക് ചാടുകയായിരുന്നു. നെറ്റ്ഫ് ളിക്‌സ് ഈസ് എ ജോക്ക് കോമഡി ഫെസ്റ്റിവലിന്റെഭാഗമായി ലോസ് ഏഞ്ചല്‍സിലെ ഹോളിവുഡ് ബൗള്‍ തിയേറ്ററില്‍ പരിപാടി അവതരിപ്പിക്കവെയായിരുന്നു സംഭവം. പരിപാടിയില്‍ ക്രിസ് റോക്കുമുണ്ടായിരുന്നു. സംഭവത്തിന് ശേഷം ചാപ്പല്‍ വേദിയിലേക്ക് മടങ്ങുന്ന മറ്റൊരു വീഡിയോയും പുറത്തുവന്നിട്ടുണ്ട്.