മൊബൈല്‍ ഫോണ്‍ ഉപയോഗിച്ചുള്ള പേമെന്റ് സേവനങ്ങളുടെ പ്രവര്‍ത്തനം തകരാറിലായി. ഞായറാഴ്ച വൈകിട്ടോടെയാണ് പേമെന്റ് സേവനങ്ങള്‍ക്ക് സഹായകരമാകുന്ന യുണിഫൈഡ് പേമെന്റ് ഇന്റര്‍ഫയ്‌സിന്റെ (യൂപിഐ) പ്രവര്‍ത്തനം തടസമായത്.
ഇതിന് പിന്നാലെ ആപ്പ് ഉപയാഗിക്കുന്ന ഒട്ടനവധി ആളുകള്‍ക്കാണ് സേവനം തടസമായത്. ഫോണ്‍ പേ, പേടിഎം, ഗൂഗിള്‍ പേ പോലുള്ള ആപ്പുകള്‍ വഴി നിരവധി യൂസര്‍മാര്‍ക്ക് യുപിഐ സെര്‍വര്‍ ഉപയോഗിക്കാന്‍ സാധിക്കുന്നില്ലെന്നും തുടര്‍ന്ന് പണം അയക്കാന്‍ കഴിയുന്നില്ലെന്നും ട്വിറ്റര്‍ വഴി അറിയിച്ചിരുന്നു.
അതേസമയം, പരാതി ശക്തമായതോടെ എന്‍പിസിഐ പ്രതികരണവുമായി രംഗത്തുവന്നു. പ്രശ്‌നത്തിന് പരിഹാരമായിട്ടുണ്ടെന്നും സാങ്കേതിക കാരണങ്ങള്‍ കൊണ്ടാണ് സേവനങ്ങള്‍ തടസപ്പെട്ടതെന്നും അവര്‍ അറിയിച്ചു.