നൈജീരിയ ലോകകപ്പിന് യോഗ്യത നേടാത്തതിനെ തുടര്‍ന്ന് സ്‌റ്റേഡിയത്തില്‍ അക്രമം അയച്ചു വിട്ട് ആരാധകര്‍. നൈജീരിയയിലെ അബൂജ നാഷണല്‍ സ്‌റ്റേഡിയത്തിലാണ് സംഭവം. ആരാധകര്‍ ഡഗൗട്ടുകള്‍ വലിച്ചുകീറുകയും പോലീസുമായി ഏറ്റുമുട്ടുകയും ചെയ്തു. ഘാനക്കെതിരായ നിര്‍ണായക പ്ലേ ഓഫ് മത്സരം അവസാനിച്ചതിന് പിന്നാലെയാണ് ആരാധകരുടെ അക്രമം. കണ്ണീര്‍വാതകം ഉപയോഗിച്ച് ആരാധകരെ പൊലീസ് പിരിച്ചുവിട്ടു. നൈജീരിയ ആരാധകര്‍ ഘാന ആരാധകരെയും കളിക്കാരെയും ലക്ഷ്യംവെച്ചതായും റിപ്പോര്‍ട്ടുകളുണ്ട്.
2006 ലോകകപ്പിന് ശേഷം ആദ്യമായാണ് നൈജീരിയ ഫിഫ ലോകകപ്പ് യോഗ്യത നേടാതെ പുറത്താകുന്നത്. നൈജീരിയയെ 1-1 നു സമനിലയില്‍ കുടുക്കിയാണ് ഘാന ലോകകപ്പിന് യോഗ്യത കരസ്ഥമാക്കിയത്. എവേ ഗോളിന്റെ അടിസ്ഥാനത്തിലാണ് ഘാനയുടെ യോഗ്യത.