ബാഴ്‌സലോണ: ചാമ്പ്യന്‍സ് ലീഗ് ഫുട്‌ബോളില്‍ ഇന്റര്‍മിലാനെതിരെ ബാഴ്‌സലോണക്ക് ജയം. ഒന്നിനെതിരെ രണ്ട് ഗോളുകള്‍ക്കാണ് ബാഴ്‌സ ജയിച്ചത്. ആദ്യ പകുതിയില്‍ ഒരു ഗോളിന് പിന്നിട്ടുനിന്ന ശേഷമായിരുന്നു ബാഴ്‌സയുടെ തിരിച്ചുവരവ്. രണ്ട് ഗോളുകള്‍ നേടിയ സുവാരസാണ് ബാഴ്‌സയുടെ വിജയശില്‍പ്പി. 58, 84 മിനിറ്റുകളിലായിരുന്നു സുവാരസിന്റെ ഗോളുകള്‍.
അതേസമയം റെഡ്ബുളിനെതിരെ കഷ്ടിച്ച് ജയിച്ചുകയറി ലിവര്‍പൂള്‍. മൂന്നിനെതിരെ നാല് ഗോളുകള്‍ക്കാണ് ലിവര്‍പൂളിന്റെ ജയം. ആദ്യ പകുതിയില്‍ 3-1ന് മുന്നിട്ട് നിന്ന ലിവര്‍പൂളിനെ രണ്ടാം പകുതിയില്‍ രണ്ട് ഗോളുകള്‍ തിരിച്ചടിച്ച് റെഡ് ബുള്‍ വിറപ്പിച്ചു. 69ാം മിനിറ്റില്‍ മുഹമ്മദ് സലാ നേടിയ ഗോളിലൂടെയാണ് ലിവര്‍പൂള്‍ ജയം ഉറപ്പിച്ചത്. സലാ മത്സരത്തില്‍ രണ്ട് ഗോളുകള്‍ നേടി.
മറ്റൊരു മത്സരത്തില്‍ ലിലിക്കെതിരെ ചെല്‍സി ജയിച്ചു. ഒന്നിനെതിരെ രണ്ട് ഗോളുകള്‍ക്കാണ് ചെല്‍സിയുടെ ജയിച്ചത്. ലിലിക്ക് വേണ്ടി ഒസിമെനും ചെല്‍സിക്ക് വേണ്ടി എബ്രഹാമും വില്ല്യനും ഗോളുകള്‍ നേടി. ഗ്രൂപ്പ് എച്ചിലെ മറ്റൊരു മത്സരത്തില്‍ അയാക്‌സ് വലന്‍സിയയെ തോല്‍പ്പിച്ചു. എതിരില്ലാത്ത മൂന്ന് ഗോളുകള്‍ക്കായിരുന്നു അയാക്‌സിന്റെ ജയം. അയാക്‌സിനായി സിയെച്ച്, പ്രോമെസ്, വാന്‍ ഡെ ബീക്ക് എന്നിവര്‍ ഗോളുകള്‍ നേടി.
ഗ്രൂപ്പ് എഫില്‍ ബൊറൂസ്യ, സ്ലാവിയ പ്രാഹയെ എതിരില്ലാത്ത രണ്ട് ഗോളുകള്‍ക്ക് തോല്‍പ്പിച്ചു. ഹാക്കിമിയുടെ ഇരട്ട ഗോള്‍ മികവിലാണ് ബൊറൂസ്യയുടെ ജയം. 35, 89 മിനിറ്റുകളിലാണ് ഹാക്കിമി ഗോള്‍ നേടിയത്.