ലക്‌നോ: യു.പി മുനിസിപ്പല്‍ തെരഞ്ഞെടുപ്പ് നടക്കാനിരിക്കെ മുന്‍ പ്രധാനമന്ത്രി അടല്‍ ബിഹാരി വാജ്‌പോയിയുടെ പേര് വോട്ടര്‍ പട്ടികയില്‍ നിന്നും നീക്കി. ലക്‌നോവില്‍ ഏറെക്കാലമാ യി ഇല്ലാത്തതിനെ തുടര്‍ന്നാണ് പേര് നീക്കം ചെയ്തതെന്ന് സോണല്‍ ഓഫീസര്‍ കുമാര്‍ സിങ് പറഞ്ഞു. ഇതോടെ വരാനിരിക്കുന്ന യു.പി മുനിസിപ്പല്‍ തെരഞ്ഞെടുപ്പില്‍ അദ്ദേഹത്തിന് വോട്ടുരേഖപ്പെടുത്താന്‍ സാധിക്കില്ല. ലക്‌നോവിലെ ബാബു ബനാറസി ദാസ് വാര്‍ഡിലുള്‍പ്പെടുന്നയാളാണ് വാജ്‌പേയി. 2004ലെ ലോക്‌സഭാ തെരഞ്ഞെടുപ്പിലാണ് അദ്ദേഹം അവസാനമായി വോട്ട് രേഖപ്പെടുത്തിയത്. മുനിസിപ്പല്‍ തെരഞ്ഞെടുപ്പില്‍ അദ്ദേഹം അവസാനമായി വോട്ട് ചെയ്തത് 2000ത്തിലാണ്. അദ്ദേഹം പത്തുവര്‍ഷത്തോളമായി സ്വന്തം സ്ഥലം സന്ദര്‍ശിച്ചിട്ട്. ആരോഗ്യപരമായ കാരണങ്ങളാല്‍ വര്‍ഷങ്ങളായി അദ്ദേഹം രാഷ്ട്രീയ പ്രവര്‍ത്തനങ്ങളില്‍ നിന്നും വിട്ടുനില്‍ക്കുകയാണ്. 2004ല്‍ യു.പി.എ സര്‍ക്കാര്‍ അധികാര ത്തിലേറിയതോടെ അദ്ദേഹം തഴയ പ്പെടുകയായിരുന്നു. ഡല്‍ഹിയിലാണ് വാജ് പേയി ഇപ്പോഴുള്ളത്.