ഷുഹൈബ് വധക്കേസ് പ്രതി ആകാശ് തില്ലങ്കേരിയെ വിയ്യൂര്‍ സെന്‍ട്രല്‍ ജയിലിലെ അതീവ സുരക്ഷ സെല്ലിലേക്ക് മാറ്റി. അസിസ്റ്റന്റ് ജയിലറെ മര്‍ദിച്ച സംഭവത്തിന് പിന്നാലെയാണ് നടപടി.
കഴിഞ്ഞ ദിവസമാണ് ഫോണ്‍ ഉപയോഗിച്ചു എന്ന സംശയത്തെ തുടര്‍ന്ന് ചോദ്യം ചെയ്യാന്‍ വിളിച്ച ജയിലറെ ഷുഹൈബ് വധക്കേസ് പ്രതി ആകാശ തില്ലങ്കേരി മര്‍ദിച്ചത്. അസിസ്റ്റന്റ് ജയിലര്‍ രാഹുലിനാണ് മര്‍ദ്ദനമേറ്റത്. ഇന്നലെ ഉച്ചതിരിഞ്ഞ് വിയ്യൂര്‍ സെന്‍ട്രല്‍ ജയിലാണ് സംഭവം.
സംഭവത്തില്‍ പ്രതിക്കെതിരെ വിയ്യൂര്‍ പോലീസില്‍ പരാതി നല്‍കി പൊലീസ് കേസെടുത്തിട്ടുണ്ട്.ഷുഹൈബ് വധക്കേസ് അടക്കം 12കേസില്‍ പ്രതിയാണ് ആകാശ്.